Ўзбекистон суперкубоги учрашувидан кейин "Нефтчи" ПФК дарвозабонлар мураббийи Виталий Галат жамоанинг ғалабаси, ўйинга тайёргарлик ва мухлислар ҳақида фикрлари билан ўртоқлашди.

— Аввало, Суперкубокдаги ғалаба билан табриклаймиз. Бу соврин сизда қандай ҳис-туйғуларни уйғотди?
— Табрик учун раҳмат. Барчани ушбу ғалаба билан муборакбод этаман. Суперкубок жуда аҳамиятли соврин. Шунинг учун ғалабадан кейин катта қувонч ва ғурур туйғуларини ҳис қилдим.

— Шогирдларингизни бу муҳим ўйинга қандай руҳлантирдингиз?
— Таҗрибали футболчиларни руҳлантириш учун кўп гап шарт эмас, деб ўйлайман. Уларга асосан ишонч билан ҳаракат қилиш кераклигини эслатдим.

— Кубок ўйини олдидан хавотирлар бўлганми?
— Ростини айтсам, пенальтилар масаласида маълум хавотир бор эди. Чунки Пахтакорга қарши ўйин олдидан кимлар ва қандай зарба беришини ўрганган эдик.

— Ушбу баҳсда энг яхши ўйинчиларни айта оласизми?
— Бутун жамоа аъло даражада ўйнади. Лекин айрим хавфли вазиятларда Ботирали Эргашев дарвозамизни сақлаб қолди.

— Андижон стадионидаги муҳит ҳақида фикрингиз ва мухлисларга тилакларингиз?
— Мухлисларимизга чексиз миннатдорчилик билдираман. Улар ўйин олдидан ҳам, кейин ҳам ажойиб байрамона муҳит яратишди. Барчага соғлик-саломатлик тилайман ва жамоамизга доимий ишонч билдиришларини сўрайман.

«Нефтчи» ПФК матбуот хизмати