«Chelsi» Liem Rosenyor boshchiligida «PSJ»ga qarshi har ikkala o‘yinda ham yirik hisobda imkoniyatni boy berdi.
Kecha londonliklar Chempionlar ligasi 1/8 finalining javob uchrashuvi doirasida «Stemford Bridj»da 0:3 hisobida mag‘lubiyatga uchradi. Parijda o‘tgan dastlabki bahsda esa «Chelsi» 2:5 hisobida yutqazgan edi.
Shu yilning iyul oyida «Chelsi» klublar o‘rtasidagi jahon chempionati finalida «PSJ»ni «3:0» hisobida mag‘lub etgan edi — o‘shanda jamoani Enso Mareska boshqargan.
Ushbu g‘alaba «ko‘klar» uchun parijliklarga qarshi oxirgi 5 ta o‘yindagi yagona muvaffaqiyat bo‘lib qolmoqda. Bungacha jamoalar Chempionlar ligasining 2015/16 yilgi mavsumi 1/8 finalida to‘qnash kelishgan va o‘shanda «PSJ» har ikki o‘yinda ham (2:1, 2:1) zafar quchgan edi.
