«Milan» hujumchisi Rafael Leau Italiya chempionatining navbatdagi turi doirasidagi «Torino»ga qarshi o‘yinda ishtirok etmaydi. Bu haqda Football-Italia jurnalistlari xabar bermoqda.
Manba bergan ma’lumotlarga ko‘ra, portugaliyalik vinger son mushagidagi jarohat sababli uchrashuvni o‘tkazib yuboradi. U «rossonerilar»ning so‘nggi umumiy mashg‘ulotlarida qatnashmagan.
Italiya chempionatining joriy mavsumida Rafael milanliklar safida 22 ta o‘yinda maydonga tushdi. Portugaliyalik futbolchi o‘z hisobiga to‘qqizta gol va ikkita golli uzatmani yozdirib qo‘yishga ulgurdi.
Leau 2019 yilning avgust oyidan buyon «Milan» sharafini himoya qilib kelmoqda. Futbolchi va klub o‘rtasidagi amaldagi shartnoma muddati 2028 yilning iyun oyi oxirida yakuniga yetadi.













