Hozirda MLSning «Inter Mayami» jamoasida to‘p surayotgan argentinalik hujumchi Lionel Messi 2026 yilgi «Oltin to‘p» sovriniga da’vogarlar qatoridan joy oldi.
Goal portali ekspertlari bergan bahoga ko‘ra, 38 yoshli forvard da’vogarlarning oraliq reytingida 11-o‘rinni egallab turibdi. Yulduz argentinalik ayni damda Federiko Valverde («Real»), Pedri («Barselona») va Brunu Fernandesh («Manchester Yunayted») kabi futbolchilarni ortda qoldirmoqda.
O‘tgan mavsumda Messi «Inter Mayami» bilan birga MLS chempioniga aylangan edi. Turnirning yangi mavsumida esa hujumchi uchta uchrashuvda maydonga tushib, o‘z hisobiga uchta gol yozdirib qo‘yishga ulgurdi.
