Ҳозирда МЛСнинг «Интер Майами» жамоасида тўп сураётган аргентиналик ҳужумчи Лионель Месси 2026 йилги «Олтин тўп» совринига даъвогарлар қаторидан жой олди.
Goal портали экспертлари берган баҳога кўра, 38 ёшли форвард даъвогарларнинг оралиқ рейтингида 11-ўринни эгаллаб турибди. Юлдуз аргентиналик айни дамда Федерико Вальверде («Реал»), Педри («Барселона») ва Бруну Фернандеш («Манчестер Юнайтед») каби футболчиларни ортда қолдирмоқда.
Ўтган мавсумда Месси «Интер Майами» билан бирга МЛС чемпионига айланган эди. Турнирнинг янги мавсумида эса ҳужумчи учта учрашувда майдонга тушиб, ўз ҳисобига учта гол ёздириб қўйишга улгурди.
