Kataloniyaning «Barselona» klubi sobiq prezidenti Xosep Bartomeu klubning amaldagi prezidenti bilan hech qanday aloqada emasligini ochiqladi. Uning so‘zlariga ko‘ra, ular o‘rtasidagi munosabatlar havas qilgulik darajada emas.

«Biz oxirgi marta 2015 yilda, men prezidentlik saylovlarida uni mag‘lub etganimda ko‘rishganmiz. O‘shanda u hatto meni tabriklash uchun yaqin ham kelmagandi», — deya Bartomeuning so‘zlarini keltiradi Ispaniyaning AS nashri.

Eslatib o‘tamiz, hozirda «Barselona» Ispaniya chempionati turnir jadvalida peshqadamlik qilmoqda va Madridning «Real» klubidan to‘rt ochko oldinda. Bartomeu kataloniyaliklar klubini 2014 yildan 2020 yilgacha boshqargan.