Каталониянинг «Барселона» клуби собиқ президенти Хосеп Бартомеу клубнинг амалдаги президенти билан ҳеч қандай алоқада эмаслигини очиқлади. Унинг сўзларига кўра, улар ўртасидаги муносабатлар ҳавас қилгулик даражада эмас.
«Биз охирги марта 2015 йилда, мен президентлик сайловларида уни мағлуб этганимда кўришганмиз. Ўшанда у ҳатто мени табриклаш учун яқин ҳам келмаганди», — дея Бартомеунинг сўзларини келтиради Испаниянинг AS нашри.
Эслатиб ўтамиз, ҳозирда «Барселона» Испания чемпионати турнир жадвалида пешқадамлик қилмоқда ва Мадриднинг «Реал» клубидан тўрт очко олдинда. Бартомеу каталонияликлар клубини 2014 йилдан 2020 йилгача бошқарган.
