«Osasuna» vingeri Viktor Munyos «Barselona» e’tiboriga tushdi. Kataloniya grandi vakillari 22 yoshli futbolchining rivojlanishini kuzatib borishmoqda va u keyingi mavsumda Xans-Diter Flik jamoasi tarkibini yanada kuchaytirishi mumkin deb hisoblashmoqda.

Jurnalist Gabriel Sansning xabar berishicha, Madridning «Real» klubi futbolchi huquqlarining 50 foiziga egalik qilishi vaziyatni jiddiy ravishda murakkablashtiradi.

Munyos «qirollik klubi» akademiyasi bitiruvchisi hisoblanadi. O‘tgan yilning yozida «Osasuna» istiqbolli ispaniyalik futbolchini «qaymoqranglilar»dan 5 million yevroga sotib olgan edi. Transfermarkt portalining baholashicha, uning hozirgi bozor qiymati 20 million yevroni tashkil etadi. Joriy mavsumdagi 31 ta o‘yinda futbolchi 6 ta gol urdi va 5 ta golli uzatmani amalga oshirdi.