«Yuventus» o‘z tarkibida himoyachi Pyer Kalyulyuni saqlab qolmoqchi.

Insayder Nikolo Skiraning ma’lumotlariga ko‘ra, fransuz Turin klubi bosh murabbiyi Luchano Spalletti uchun tobora almashtirib bo‘lmas futbolchiga aylanib bormoqda, shu sababli jamoa futbolchi bilan shartnomani uzaytirishni istaydi. Yaqin vaqt ichida «byankoneri» rahbariyati Kalyulyuning vakillari bilan uchrashib, himoyachiga 2030 yilgacha mo‘ljallangan kelishuv taklif qilishni rejalashtirmoqda. Unga ko‘ra, futbolchining yillik maoshi 2,4 million yevrodan 4 million yevrogacha (plyus bonuslar) oshirilishi mumkin.

Qayd etilishicha, shu tariqa «Yuventus» «Manchester Yunayted» va «Liverpul»ning Kalyulyuga bo‘lgan qiziqishini so‘ndirishni maqsad qilgan. Har ikki ingliz klubi yozda fransuz bilan shartnoma imzolash variantini ko‘rib chiqmoqda.