«Barselona» klubi a’zosi Mark Bernal shunday katta jamoada o‘ynash davomida his qilayotgan bosimini yashirmadi. Uning so‘zlariga ko‘ra, ba’zida Chempionlar ligasidagi mas’uliyat bilan kurashish shunchalik qiyin kechadiki, unga psixolog yordami kerak bo‘ladi.

«Men 14 yoshimdan beri psixolog bilan muloqot qilaman. 18 yoshingda Chempionlar ligasida to‘p surayotgan bo‘lsang, bu juda zarur. U menga haqiqatan ham yordam beradi, ayniqsa maydondan tashqarida», — deya Mark Bernalning so‘zlarini keltiradi derbyderbyderby.it.

Eslatib o‘tamiz, «Barselona» ayni damda Ispaniya chempionati turnir jadvalida peshqadamlik qilmoqda. Keyingi turda jamoa o‘zining to‘g‘ridan-to‘g‘ri raqobatchisi — Madridning «Atletiko» klubiga qarshi maydonga tushadi.