«Барселона» клуби аъзоси Марк Берналь шундай катта жамоада ўйнаш давомида ҳис қилаётган босимини яширмади. Унинг сўзларига кўра, баъзида Чемпионлар лигасидаги масъулият билан курашиш шунчалик қийин кечадики, унга психолог ёрдами керак бўлади.
«Мен 14 ёшимдан бери психолог билан мулоқот қиламан. 18 ёшингда Чемпионлар лигасида тўп сураётган бўлсанг, бу жуда зарур. У менга ҳақиқатан ҳам ёрдам беради, айниқса майдондан ташқарида», — дея Марк Берналнинг сўзларини келтиради derbyderbyderby.it.
Эслатиб ўтамиз, «Барселона» айни дамда Испания чемпионати турнир жадвалида пешқадамлик қилмоқда. Кейинги турда жамоа ўзининг тўғридан-тўғри рақобатчиси — Мадриднинг «Атлетико» клубига қарши майдонга тушади.
