«Yuventus» vingeri Fransishku Konseysau «Liverpul»ning qiziqishi haqidagi mish-mishlarga o‘z munosabatini bildirdi.

Portugaliyalik futbolchi «qizillar»ni katta klub deb atadi, biroq ayni damda Yevropa grand jamoasida o‘ynayotganini va bu yerda baxtli ekanligini ta’kidladi.

«Bilaman, katta klubga o‘tishim haqida mish-mishlar yuribdi, lekin men allaqachon katta klubdaman va o‘zimni baxtli his qilyapman. Shunchaki mehnat qilishda davom etishim, gollar urishim va golli uzatmalarni amalga oshirishim kerak», — deya Konseysauning so‘zlarini keltiradi insayder Fabrisio Romano.

Ommaviy axborot vositalarining xabariga ko‘ra, «Liverpul» yozda jamoani tark etishini rasman e’lon qilgan Muhammad Salohga o‘rinbosar qidirishni boshlagan. 23 yoshli Konseysau ingliz klubining short-listidan joy olgan asosiy nomzodlardan biri bo‘lib turibdi.

Joriy mavsumda Konseysau «Yuventus» safida A Seriyada 23 ta o‘yinda maydonga tushib, 3 ta gol va 3 ta golli uzatmani amalga oshirdi. Chempionlar ligasida esa uning hisobida bitta gol bor.