«Tottenxem»da yaqin vaqt ichida bosh murabbiy almashishi ehtimoli yo‘q emas. London klubi uchun Shon Daych jiddiy nomzod bo‘lib turibdi.
«Shporlar» Daychni jamoani quyi ligaga tushib ketishdan qutqara oladigan mutaxassis sifatida ko‘rishmoqda. Klub Roberto De Dzerbiga ham qiziqish bildirmoqda, biroq italiyalik mutaxassis taklifni faqat yozda qabul qilishi mumkin. Bu haqda The Telegraph nashri xabar bermoqda.
Fevral oyida «Tottenxem»ni Igor Tudor o‘z qo‘liga olgan edi, ammo natijalarda ijobiy o‘zgarish kuzatilmadi. Hozirda «shporlar» Premyer-liga turnir jadvalida 17-o‘rinni egallab turibdi va xavfli hududdan bor-yo‘g‘i bir ochkoga oldinda, xolos.
