Ispaniya terma jamoasi va «Real Madrid»ning sobiq sardori Serxio Ramos «Sevilya» klubini sotib olish bo‘yicha harakatlarini davom ettirmoqda.

Marca nashrining aniqlik kiritishicha, klubni sotib olish unga taxminan 450 million yevroga tushadi. Albatta, Ramos bu mablag‘ni o‘z yonidan chiqarmaydi — gap loyihaga qiziqish bildirgan va uni «torta oladigan» investorlarni topish haqida ketmoqda.

Bu borada ilgarilash bor: Ramosga Five Eleven Capital jamg‘armasi yordam berishga tayyor. Ushbu jamg‘arma vakillari so‘nggi vaqtlarda klub o‘yinlarida tez-tez ko‘rinish bermoqda. To‘g‘ri, hozircha «Sevilya» maqtanishga arzigulik natija ko‘rsata olmayapti — jamoa Ispaniya chempionati turnir jadvalida atigi 16-o‘rinda bormoqda.