Madridning «Atletiko» klubi hujumchi Xulian Alvaresni «Barselona»ga qo‘yib yuborish ishtiyoqida emas.
Aynan «ko‘k-anorranglilar» argentinalik futbolchi uchun asosiy da’vogar hisoblanadi va mish-mishlarga ko‘ra, o‘yinchining o‘zi ham faoliyatini davom ettirishning bunday variantini ma’qullamoqda. Shu bilan birga, Topskills Sports UK xabariga ko‘ra, agar «matraschilar» rahbariyati yulduz hujumchini sotishga rozi bo‘lsa, «PSJ» va «Arsenal»dan keladigan takliflar «Barselona»ga qaraganda ancha ishtiyoq bilan ko‘rib chiqiladi.
«Atletiko» sport direktori, ilgari Kataloniya klubida faoliyat yuritgan Mateu Alemani «Barsa» rahbari Joan Laporta bilan keskin munosabatda. Bundan tashqari, madridliklar chempionatdagi raqobatchisini kuchaytirishni istamayapti.
