Мадриднинг «Атлетико» клуби ҳужумчи Хулиан Альваресни «Барселона»га қўйиб юбориш иштиёқида эмас.
Айнан «кўк-анорранглилар» аргентиналик футболчи учун асосий даъвогар ҳисобланади ва миш-мишларга кўра, ўйинчининг ўзи ҳам фаолиятини давом эттиришнинг бундай вариантини маъқулламоқда. Шу билан бирга, Topskills Sports UK хабарига кўра, агар «матрасчилар» раҳбарияти юлдуз ҳужумчини сотишга рози бўлса, «ПСЖ» ва «Арсенал»дан келадиган таклифлар «Барселона»га қараганда анча иштиёқ билан кўриб чиқилади.
«Атлетико» спорт директори, илгари Каталония клубида фаолият юритган Матеу Алемани «Барса» раҳбари Жоан Лапорта билан кескин муносабатда. Бундан ташқари, мадридликлар чемпионатдаги рақобатчисини кучайтиришни истамаяпти.
