Urugvay terma jamoasi bosh murabbiyi Marselo Byelsa yarim himoyachi Federiko Valverdening o‘yinidagi o‘zgarishlarni alohida ta’kidlab o‘tdi.
27 yoshli futbolchi Angliya terma jamoasiga qarshi kechgan yaqindagi o‘rtoqlik uchrashuvida (1:1) penaltini aniq amalga oshirib, navbatdagi golini urdi. Madridning «Real» klubi xavbeki hisobida klub va terma jamoadagi so‘nggi oltita o‘yinda jami yettita gol mavjud.
«Fede har doim jamoaga katta hissa qo‘shib kelgan, ammo so‘nggi o‘yinlarda u raqib himoyasini izdan chiqarish borasida aql bovar qilmas qobiliyat namoyish etayotgani ham haqiqat. Hozirda u ilgari biz uning ijrosida ko‘rmagan jihatlarni ko‘rsatmoqda», — deya Byelsaning so‘zlarini keltiradi Madrid Xtra.
31 mart kuni urugvayliklar Jazoirga qarshi maydonga tushishadi.
