«Milan» klubi hozircha yarim himoyachi Luka Modrichni jamoada olib qola bilish-bilmasliklarini aniq aytisha olmayapti. 40 yoshli futbolchining shartnomasi joriy mavsum yakunida nihoyasiga yetadi, biroq xavbekning xohishiga ko‘ra, shartnoma avtomatik tarzda yana bir yilga uzaytirilishi mumkin.

«Modrich jamoada qolishi mumkin, ammo bu ko‘p jihatdan Massimiliano Allegrining harakatlariga va klubning umumiy ambisiyalariga bog‘liq bo‘ladi. «Milan»ning Chempionlar Ligasiga yo‘llanma olishi ham Lukani jamoada yana bir mavsum qolishga ko‘ndirishi mumkin. Bunday buyuk futbolchi o‘z kelajagini tinch muhitda mustaqil belgilash huquqiga ega. Agar u ketish vaqti keldi deb hisoblasa, buni muammosiz amalga oshiradi, biroq uning o‘yiniga qarab aytadigan bo‘lsak, hozircha bunday niyati yo‘qdek ko‘rinmoqda», — dedi jurnalist Orasio Akkomando.

Luka Modrich o‘tgan yilning yozida Madridning «Real» klubidan «Milan» safiga ko‘chib o‘tgan edi.