«Liverpul» bosh murabbiyi Arne Slot kamida joriy mavsum yakuniga qadar o‘z lavozimida qoladi. Bu haqda jurnalist Lyuis Stil xabar bermoqda.

Manbaning ma’lumotlariga ko‘ra, mavsum tugaganidan so‘ng «Liverpul» rahbariyati mutaxassisning ishini baholaydi va uning kelajagi bo‘yicha yakuniy qaror qabul qiladi. Qayd etilishicha, qo‘lga kiritiladigan har qanday sovrin Slotning kelasi yili ham jamoada qolish imkoniyatlarini oshiradi.

Slot 2024 yilning yozida «Liverpul» boshqaruvini qo‘lga olgan edi. Niderlandiyalik mutaxassis qo‘l ostidagi ilk mavsumdayoq «qizillar» chempionlik unvonini qo‘lga kiritishdi, biroq APLning joriy mavsumi mersisaydliklar uchun unchalik muvaffaqiyatli kechmayapti.

Premyer-liganing 31 turidan so‘ng «Liverpul» 49 ochko bilan turnir jadvalida beshinchi o‘rinni egallab turibdi.