«Ливерпуль» бош мураббийи Арне Слот камида жорий мавсум якунига қадар ўз лавозимида қолади. Бу ҳақда журналист Льюис Стил хабар бермоқда.

Манбанинг маълумотларига кўра, мавсум тугаганидан сўнг «Ливерпуль» раҳбарияти мутахассиснинг ишини баҳолайди ва унинг келажаги бўйича якуний қарор қабул қилади. Қайд этилишича, қўлга киритиладиган ҳар қандай соврин Слотнинг келаси йили ҳам жамоада қолиш имкониятларини оширади.

Слот 2024 йилнинг ёзида «Ливерпуль» бошқарувини қўлга олган эди. Нидерландиялик мутахассис қўл остидаги илк мавсумдаёқ «қизиллар» чемпионлик унвонини қўлга киритишди, бироқ АПЛнинг жорий мавсуми мерсисайдликлар учун унчалик муваффақиятли кечмаяпти.

Премьер-лиганинг 31 туридан сўнг «Ливерпуль» 49 очко билан турнир жадвалида бешинчи ўринни эгаллаб турибди.