AQSH terma jamoasi bosh murabbiyi Maurisio Pochettino uni «Real» va «Tottenxem» klublari bilan bog‘layotgan mish-mishlarga munosabat bildirdi.
«Hech qanday muzokaralar yo‘q. Biz bor e’tiborimizni Jahon chempionatiga qaratganmiz. Hamma biladiki, mening milliy terma jamoa oldida majburiyatlarim bor. Hozir kelajak haqida gapiradigan vaqt emas. Men bilan hech kim bog‘lanmadi. Lekin keyinchalik nima bo‘lishini kim biladi deysiz. Darvoqe, biz shu yerda qolishga ham tayyormiz. Agar federasiya mamnun bo‘lsa, nega endi yo‘q?» — deya Pochettinoning matbuot anjumanidagi so‘zlarini jurnalist Ben Jeykobs keltirmoqda.
Hozirda Maurisio Pochettino AQSH terma jamoasini o‘z uyida bo‘lib o‘tadigan Jahon chempionatidagi ishtirokiga tayyorlamoqda.













