Dortmundning «Borussiya» klubi himoyachisi Valdemar Anton «qizil iblislar»ning navbatdagi transfer oynasi uchun asosiy nishoniga aylandi. Bu haqda Bild nashri xabar bermoqda.

Bundan 29 yil avval O‘zbekistonning Olmaliq shahrida tug‘ilgan Anton joriy mavsumda dortmundliklarning ishonchli vakiliga aylandi va jamoa tarkibida 38 ta o‘yinda maydonga tushdi. Shuningdek, u mart oyidagi Shveysariya va Ganaga qarshi o‘rtoqlik uchrashuvlariga chaqirilmagan bo‘lsa-da, Germaniya terma jamoasining Jahon chempionati uchun kengaytirilgan tarkibidan joy olishi kutilmoqda.

Bundan tashqari, Antonning xizmatlariga Madridning «Atletiko» klubi ham qiziqish bildirmoqda. Madridliklar himoyachini hali u «Shtutgart» sharafini himoya qilib yurgan yillardayoq o‘z safiga qo‘shib olishga urinishgan edi. Transfermarkt portali Valdemar Antonni 18 million yevroga baholamoqda.