"Real" bosh murabbiyi Alvaro Arbeloa klub Kilian Mbappening jarohatlangan emas, balki sog‘lom tizzasini tekshirgani haqidagi xabarlarga munosabat bildirdi.
— Tizza jarohati bilan bog‘liq voqeadan keyin Mbappe bilan gaplashdingizmi?
"So‘nggi kunlarda Kilian haqida yozilgan narsalar — mutlaqo yolg‘on ma’lumot. Hozir bu mavzuni ortda qoldirib, uning gollariga e’tibor qaratish vaqti keldi. U avval namoyish etgan o‘z darajasiga qaytsin".
— Mbappe derbida zaxirada qolganidan xafa bo‘ldimi?
"Yo‘q, aslo unday emas. U bilan doimo to‘g‘ridan-to‘g‘ri aloqada bo‘lib kelganmiz. Biz juda ko‘p masalalarni muhokama qildik. Uning asosiy tarkibda yo‘qligi esa... bu mutlaqo mantiqiy qaror edi".
— Kecha Mbappe balki kamroq pressing qila boshlaganini tan oldi...
"Kilianda katta mas’uliyat bor va u men undan nima talab qilayotganimni juda yaxshi tushunadi. Bu Vinisiusga ham tegishli. Hujumchilar himoyachilarga qaraganda kamroq himoyalanishi kerak — xuddi ulardan ko‘proq hujum qilishlari talab etilganidek. Lekin biz har kuni jipslashgan jamoa bo‘lishimiz kerak. Barcha 25 nafar futbolchi. Hozir biz o‘yinlarni kuchni tejamasdan yakunlashimiz lozim. Shundan keyingina bu futbolchilarning iqtidori o‘yin taqdirini hal qiladi", — dedi Arbeloa.
