"Real" ustozi Alvaro Arbeloa Ispaniya chempionati doirasidagi "Malyorka"ga qarshi bo‘ladigan uchrashuv haqida gapirdi. Mutaxassisning ta’kidlashicha, hozirda "Real" o‘zi istagan mavqeda turibdi, chunki klub ham La Liga chempionligi, ham Chempionlar Ligasidagi g‘oliblik uchun kurashmoqda. Biroq murabbiy hozir faqat "Malyorka" haqida o‘ylash kerakligini qayd etdi.
"Malyorka" bilan o‘yin juda qiyin kechadi, chunki bu noqulay raqib va bahs terma jamoalar tanaffusidan so‘ng darhol bo‘lib o‘tmoqda. Lekin futbolchilarning mashg‘ulotlardagi ishtiroki meni ruhlantirmoqda. Men ularning ishtiyoqqa to‘la ekanligini va sovrinlar uchun kurashga bor e’tiborini qaratganini ko‘ryapman", — deya Arbeloaning so‘zlarini keltiradi Madrid Xtra.
Ispaniya chempionatining 30-turidan o‘rin olgan "Malyorka" va "Real" o‘rtasidagi uchrashuv shanba kuni, 4 aprel kuni bo‘lib o‘tadi. O‘yin Toshkent vaqti bilan soat 19:15 da boshlanishi rejalashtirilgan.
