"Реал" устози Альваро Арбелоа Испания чемпионати доирасидаги "Мальорка"га қарши бўладиган учрашув ҳақида гапирди. Мутахассиснинг таъкидлашича, ҳозирда "Реал" ўзи истаган мавқеда турибди, чунки клуб ҳам Ла Лига чемпионлиги, ҳам Чемпионлар Лигасидаги ғолиблик учун курашмоқда. Бироқ мураббий ҳозир фақат "Мальорка" ҳақида ўйлаш кераклигини қайд этди.
"Мальорка" билан ўйин жуда қийин кечади, чунки бу ноқулай рақиб ва баҳс терма жамоалар танаффусидан сўнг дарҳол бўлиб ўтмоқда. Лекин футболчиларнинг машғулотлардаги иштироки мени руҳлантирмоқда. Мен уларнинг иштиёққа тўла эканлигини ва совринлар учун курашга бор эътиборини қаратганини кўряпман", — дея Арбелоанинг сўзларини келтиради Madrid Xtra.
Испания чемпионатининг 30-туридан ўрин олган "Мальорка" ва "Реал" ўртасидаги учрашув шанба куни, 4 апрель куни бўлиб ўтади. Ўйин Тошкент вақти билан соат 19:15 да бошланиши режалаштирилган.
