Superliganing 5-turi doirasida «So‘g‘diyona» - «Qo‘qon-1912» (2:2) uchrashuvidan keyin mehmonlar bosh murabbiyi Andrey Shipilov matbuot anjumanida qatnashdi.

"Mana 5-turga ham keldik. Bu uchrashuvga jiddiy tayyorgarlik ko‘rdik. «So‘g‘diyona» murabbiylar shtabidagi o‘zgarishlarni ham bilardik. Ulug‘bek Baqoyevning jamoalariga qarshi o‘ynash doimo qiyin bo‘lgan. Shuningdek, u bilan murabbiy sifatida yaxshi munosabat o‘rnatganman.

To‘liq birinchi bo‘limni yomon o‘tkazdik. Nega bunday bo‘lganini ko‘rib chiqamiz. Raqiblarga qoyil, ular birinchi bo‘limda o‘z imkoniyatlaridan foydalanishdi va ikkita gol urishdi. Ikkinchi bo‘limda esa o‘zgarishlar bo‘lishi aniq edi. Tanaffusda kiyim almashtirish xonasida erkakcha suhbat bo‘ldi. Yigitlarga muxlislarimiz qarshisida ikkinchi bo‘limda ham bunday o‘ynashga haqqimiz yo‘q edi. Ikkinchi bo‘limda 2ta gol urdik. Natijani adolatli deb hisoblayman. «So‘g‘diyona» ham biz ham g‘alabani istagandik. Ikkala jamoa uchun ham durang qiziqarli emasdi. O‘z navbatida durang ham jadvalda o‘zgarish qilib bermaydi. Ketma ket uchinchi o‘yin biz 2-bo‘limda gol o‘tkazib yubormadik. «So‘g‘diyona»ga, Ulug‘bek Baqoyevga va o‘z navbatida o‘zimizga ham keyingi o‘yinlarda omad tilayman", — deb fikr bildirdi "Qo‘qon-1912" ustozi.