Londonning «Chelsi» klubida yana kelishmovchilik yuzaga keldi. Yaqinda klub yarim himoyachi Enso Fernandesni Madridda yashash istagi haqidagi gaplari uchun ikkita o‘yinga chetlatishga qaror qilgan edi.
MatchDay Central nashrining xabariga ko‘ra, «aristokratlar»ning ko‘plab futbolchilari argentinalikning fikrlarini yoqlashmayapti, biroq chetlatish jazosini haddan tashqari qattiq chora deb hisoblashmoqda. Kiyinish xonasida «Manchester Siti»ga qarshi bo‘ladigan muhim bahs oldidan asosiy xavbekning yo‘qligi sababli xavotir hukm surmoqda.
Shuningdek, qayd etilishicha, sardor Ris Jeyms boshchiligidagi bir guruh «Chelsi» futbolchilari murabbiy Liam Rosenyor va rahbariyatga murojaat qilib, jazoni bekor qilishni hamda Fernandesga «shaharliklar» bilan kechadigan hal qiluvchi o‘yinda maydonga tushishga ruxsat berishni so‘rashgan.
