«Bavariya» yarim himoyachisi Yozua Kimmix dushanba kungi matbuot anjumanida «Real» hujumchisi Vinisius Junior bilan 2024 yilgi to‘qnashuvdan so‘ng o‘rtada «hisob-kitob» bor-yo‘qligi haqidagi savolga javob berdi.
«Gap men va Vinisius o‘rtasidagi shaxsiy qarama-qarshilikda emas. Biz hamma narsani jamoaviy tarzda, kollektiv bo‘lib hal qilmoqchimiz. "Real" tarkibida yuqori mahoratli futbolchilar ko‘pligini bilamiz. Biz ularni hurmat qilamiz, lekin maydonda o‘z kuchli tomonlarimizni ko‘rsatishimiz muhimroq», — dedi Kimmix jurnalistlarga.
