Maykl Olise "Bavariya"ning Madridning "Real" jamoasi ustidan mehmonda qozonilgan g‘alabasiga golli uzatma bilan o‘z hissasini qo‘shdi. 24 yoshli futbolchi Chempionlar Ligasi chorak final uchrashuvining 46-daqiqasida myunxenliklarning ustunligini oshirgan Xarri Keynga assistentlik qildi. O‘yinning qolgan qismida mezbonlar Kilian Mbappening harakatlari evaziga bitta javob to‘pini kiritishdi — 1:2.

Olise joriy mavsumda barcha turnirlarda 25 ta golli pas bilan Yevropaning kuchli beshlik chempionatlari futbolchilari orasida ishonch bilan peshqadamlik qilmoqda. Fransuz "Manchester Yunayted" yulduzi Brunu Fernandeshdan (17 ta) ancha ilgarilab ketgan, uchinchi o‘rinni esa "Barselona" a’zosi Fermin Lopes (16 ta) egallab turibdi.