Madridning "Atletiko" klubi ustozi Diyego Simeone fransiyalik hujumchi Antuan Grizmann haqida o‘z fikrlarini bildirib o‘tdi. 35 yoshli futbolchi joriy mavsum yakunlanganidan so‘ng "matraschilar" safini tark etadi.
"Shunday ajoyib futbolchi bilan birga ishlash baxtiga muyassar bo‘lganimdan juda xursandman. U mening murabbiylik faoliyatimdagi eng yaxshi o‘yinchilardan biri. Antuan, o‘z ishingga bo‘lgan sadoqating uchun sendan minnatdorman. Oldimizda La Ligada yana sakkizta, Ispaniya kubogida bitta va umid qilamanki, Chempionlar ligasida beshta o‘yin qoldi", — deya argentinalik mutaxassisning so‘zlarini keltiradi ESPN.
Eslatib o‘tamiz, Grizmann "Atletiko" tarixidagi eng yaxshi to‘purar hisoblanadi. Fransiyalik futbolchi hisobida 211 ta gol mavjud.
