Мадриднинг "Атлетико" клуби устози Диего Симеоне франциялик ҳужумчи Антуан Гризманн ҳақида ўз фикрларини билдириб ўтди. 35 ёшли футболчи жорий мавсум якунланганидан сўнг "матрасчилар" сафини тарк этади.
"Шундай ажойиб футболчи билан бирга ишлаш бахтига муяссар бўлганимдан жуда хурсандман. У менинг мураббийлик фаолиятимдаги энг яхши ўйинчилардан бири. Антуан, ўз ишингга бўлган садоқатинг учун сендан миннатдорман. Олдимизда Ла Лигада яна саккизта, Испания кубогида битта ва умид қиламанки, Чемпионлар лигасида бешта ўйин қолди", — дея аргентиналик мутахассиснинг сўзларини келтиради ESPN.
Эслатиб ўтамиз, Гризманн "Атлетико" тарихидаги энг яхши тўпурар ҳисобланади. Франциялик футболчи ҳисобида 211 та гол мавжуд.
