«Arsenal» hujumchisi Kay Xaverts Chempionlar Ligasi 1/4 finalining dastlabki uchrashuvida «Sporting» ustidan qozonilgan g‘alaba (1:0) haqida o‘z fikrlarini bildirdi. Ushbu bahsda futbolchi 91-daqiqada g‘alaba golini kiritdi.
«O‘yin so‘nggida gol urish – doimo yoqimli, ayniqsa tribunalarda muxlislar bo‘lsa va bu jamoaga natija keltirsa. Kelasi haftada yana ko‘p ish qilishimiz kerak, ammo bu natija, shubhasiz, bizga foyda beradi.
Bugun ancha ochiq o‘yin bo‘ldi, lekin menimcha, uchrashuvning katta qismida biz nazoratni yaxshi ushlab turdik. Futbol mana shunday lahzalardan iborat. Umuman olganda, yaxshi o‘yin o‘tkazdik va o‘zimiz bilan faxrlansak bo‘ladi. Endi tiklanib olishimiz kerak, chunki navbatdagi o‘yin shanba kuniyoq bo‘lib o‘tadi», – dedi Xaverts.
