«Арсенал» ҳужумчиси Кай Хавертц Чемпионлар Лигаси 1/4 финалининг дастлабки учрашувида «Спортинг» устидан қозонилган ғалаба (1:0) ҳақида ўз фикрларини билдирди. Ушбу баҳсда футболчи 91-дақиқада ғалаба голини киритди.

«Ўйин сўнггида гол уриш – доимо ёқимли, айниқса трибуналарда мухлислар бўлса ва бу жамоага натижа келтирса. Келаси ҳафтада яна кўп иш қилишимиз керак, аммо бу натижа, шубҳасиз, бизга фойда беради.

Бугун анча очиқ ўйин бўлди, лекин менимча, учрашувнинг катта қисмида биз назоратни яхши ушлаб турдик. Футбол мана шундай лаҳзалардан иборат. Умуман олганда, яхши ўйин ўтказдик ва ўзимиз билан фахрлансак бўлади. Энди тикланиб олишимиз керак, чунки навбатдаги ўйин шанба куниёқ бўлиб ўтади», – деди Хавертц.