Hozirda ijara asosida «Jirona» sharafini himoya qilayotgan darvozabon Mark-Andre ter Shtegen «Barselona»ning Chempionlar ligasida «Atletiko»dan uchragan mag‘lubiyati (0:2) haqida gapirdi.
«Ko‘k-anorranglilar» chorak finalning dastlabki bahsida o‘z maydonida «matraschilar»ga imkoniyatni boy berishdi. Uchrashuvning 44-daqiqasidan boshlab Xansi Flik shogirdlari bir kishi kam bo‘lib o‘ynashdi — Pau Kubarsi to‘g‘ridan-to‘g‘ri qizil kartochka olib, maydonni tark etgan edi.
«Bizda hali javob o‘yini bor. Men bunday qiyin vaziyatlardan qanday chiqib ketishni yaxshi bilaman. Xotirjamlikni saqlash va oldindagi ikkita o‘yinda g‘alaba qozonish zarur», — deya ter Shtegenning so‘zlarini keltiradi Barca Universal.
«Barselona» va «Atletiko» o‘rtasidagi javob uchrashuvi 14 aprel kuni Madridda bo‘lib o‘tadi. Ungacha kataloniyaliklar 11 aprel kuni La Liga doirasida «Espanyol»ga qarshi derbida maydonga tushishadi.
