«Barselona»ga qarshi kechgan va 1:4 hisobida yakunlangan o‘yinda «Espanyol»ning yagona golini kiritgan Pol Losano raqib futbolchilari haqidagi fikrlaridan so‘ng mojarolar markazida qoldi. Bu haqda Barca Universal nashri xabar bermoqda.
«Ularning o‘z hamkasblariga nisbatan qanday «hurmat»da ekanliklarini shu yerda, hammaning ko‘z o‘nggida ko‘rishingiz mumkin. Boshqa qo‘shimcha qiladigan gapim yo‘q», — dedi futbolchi o‘yindan keyingi intervyusida.
Ushbu so‘zlar «Barselona» muxlislari tomonidan Losano sha’niga haqoratlar to‘lqinini keltirib chiqardi. Natijada u eng ommabop ijtimoiy tarmoqlardan biridagi o‘z akkauntini yopishga majbur bo‘ldi.
Losano «Espanyol» akademiyasi tarbiyalanuvchisi hisoblanadi. U faoliyati davomida ikki bor — «Jirona» va «Granada» klublarida ijarada to‘p surgan. Joriy mavsumda 26 yoshli yarim himoyachi 28 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
