«Manchester Yunayted» o‘z maydonida «Lids»ga 1:2 hisobida imkoniyatni boy berdi. O‘yindan so‘ng «qizil iblislar»ning sobiq futbolchisi Roy Kin o‘z fikrlarini bildirib o‘tdi.
«Yarim himoya mutlaqo ko‘rinmadi, ayniqsa birinchi bo‘limda. Na energiya bor, na sifat. O‘yinni bunchalik sust boshlaganingdan keyin, vaziyatni o‘nglash juda qiyin kechadi. Yugurish kerak, «Manchester Yunayted» esa yugurmadi. Faqatgina o‘yin oxirida biroz harakat qilishdi, ammo unda kech bo‘lgan edi», — deya Kinning so‘zlarini keltiradi The Touchline nashri.
«Manchester Yunayted» mag‘lubiyatga uchragan bo‘lsa-da, Premyer-liga turnir jadvalida uchinchi o‘rinda qoldi. Navbatdagi turda «qizil iblislar» safarda «Chelsi»ga qarshi bahs olib borishadi. Uchrashuv shanba kuni, 18 aprel sanasida bo‘lib o‘tadi.
