O‘zbekiston Superligasi 7-turidan o‘rin olgan “Xorazm” — “Qo‘qon-1912” uchrashuvi bo‘lib o‘tdi. Urganch shahridagi “Xorazm” sport kompleksida kechgan bahsda 2:2 hisobi qayd etildi.

O‘yin teng kurashlar ostida o‘tdi. 5-daqiqada maydon egalari safida harakat qilayotgan senegallik hujumchi Bubakar Traore hisobni ochdi. 24-daqiqada “Qoqon-1912”ning liberiyalik hujumchisi Silvanus Nimeli muvozanatni tikladi.

Ikkinchi bo‘limda ham jamoalar bittadan gol kiritishga erishdi. 49-daqiqada Sunnatillo Hamidjonov yana “Xorazm”ni hisobda oldinga olib chiqdi. Biroq 60-daqiqada mezbonlar darvozaboni to‘pni to‘xtatib qola olmadi va Hamidjonov o‘z darvozasini ishg‘ol etib qo‘ydi — 2:2. Mazkur hisob o‘yin yakuniga qadar o‘zgarmadi.

Ushbu natijadan so‘ng Sergey Tokov boshqaruvidagi “Xorazm” 9 ochko bilan Superliganing onlayn turnir jadvalida 8-o‘rinda bormoqda.

Andrey Shipilov boshqaruvidagi “Qo‘qon-1912” esa 7 ta tur yakuniga ko‘ra 11-o‘rinni egallab turibdi. Jamoa hisobida 7 ochko mavjud.

“Xorazm” 18 aprel kuni 7-tur doirasida safarda “Mash’al”ga qarshi bahs olib boradi, “Qo‘qon-1912” esa 19 aprel kuni o‘z maydonida “Andijon”ni qiladi.

O‘zbekiston Superligasi, 7-tur
“Xorazm” — “Qo‘qon-1912” 2:2
Gollar: 1:0 — Traore (5), 1:1 — Nimeli (24), 2:1 — Hamidjonov (49), 2:2 — Hamidjonov (60, avtogol)