Ўзбекистон Суперлигаси 7-туридан ўрин олган “Хоразм” — “Қўқон-1912” учрашуви бўлиб ўтди. Урганч шаҳридаги “Хоразм” спорт комплексида кечган баҳсда 2:2 ҳисоби қайд этилди.

Ўйин тенг курашлар остида ўтди. 5-дақиқада майдон эгалари сафида ҳаракат қилаётган сенегаллик ҳужумчи Бубакар Траоре ҳисобни очди. 24-дақиқада “Қоқон-1912”нинг либериялик ҳужумчиси Сильванус Нимели мувозанатни тиклади.

Иккинчи бўлимда ҳам жамоалар биттадан гол киритишга эришди. 49-дақиқада Суннатилло Ҳамиджонов яна “Хоразм”ни ҳисобда олдинга олиб чиқди. Бироқ 60-дақиқада мезбонлар дарвозабони тўпни тўхтатиб қола олмади ва Ҳамиджонов ўз дарвозасини ишғол этиб қўйди — 2:2. Мазкур ҳисоб ўйин якунига қадар ўзгармади.

Ушбу натижадан сўнг Сергей Токов бошқарувидаги “Хоразм” 9 очко билан Суперлиганинг онлайн турнир жадвалида 8-ўринда бормоқда.

Андрей Шипилов бошқарувидаги “Қўқон-1912” эса 7 та тур якунига кўра 11-ўринни эгаллаб турибди. Жамоа ҳисобида 7 очко мавжуд.

“Хоразм” 18 апрель куни 7-тур доирасида сафарда “Машъал”га қарши баҳс олиб боради, “Қўқон-1912” эса 19 апрель куни ўз майдонида “Андижон”ни қилади.

Ўзбекистон Суперлигаси, 7-тур
“Хоразм” — “Қўқон-1912” 2:2
Голлар: 1:0 — Траоре (5), 1:1 — Нимели (24), 2:1 — Ҳамиджонов (49), 2:2 — Ҳамиджонов (60, автогол)