"Chelsi" yarim himoyachisi Enso Fernandes faoliyatini "Real"da davom ettirishi mumkin. El Nacional nashri bergan ma’lumotga ko‘ra, argentinalik futbolchi allaqachon Madriddan turar joy izlashni boshlagan. Futbolchi shu yozda "qaymoqranglilar" safiga o‘tishni istamoqda. Biroq, hozircha "Real" Fernandes transferi bo‘yicha rasmiy taklif bilan chiqqani yo‘q.
Enso Fernandes 2023 yilda "Benfika"dan "Chelsi"ga 121 million yevro evaziga o‘tgan edi. Uning London klubi bilan shartnomasi 2032 yil 30 iyungacha mo‘ljallangan.
Joriy mavsumda yarim himoyachi "ko‘klar" safida barcha musobaqalarda 46 ta o‘yinda qatnashib, 12 ta gol urdi va oltita golli uzatmani amalga oshirdi. Transfermarkt portali argentinalik o‘yinchining narxini 90 million yevroga baholamoqda.
