«Real» futbolchilari Chempionlar ligasining joriy mavsumida beshta qizil kartochka olishdi.

Madridliklar chorak finalning javob uchrashuvida «Bavariya»dan mag‘lubiyatga uchrab (3:4, birinchi o‘yin – 1:2), musobaqani tark etdi.

Ushbu o‘yinda «qaymoqranglilar»ning ikki futbolchisi maydondan chetlatildi: Eduardo Kamavinga Harri Keynga nisbatan ishlatilgan foldan so‘ng to‘pni raqibga bermagani uchun ikkinchi sariq kartochkani oldi, Arda Gyuler esa final hushtagidan keyin hakam bilan bahslashgani uchun to‘g‘ridan-to‘g‘ri qizil kartochka bilan jazolandi.

Bundan avvalroq, ushbu mavsumda Daniel Karvaxal umumiy bosqich doirasidagi «Marsel» (2:1) bilan o‘yinda, Raul Asensio va Rodrigo esa «Benfika»ga (2:4) qarshi bahsda qizil kartochka olgan edi.

Beshta chetlatish — bu Chempionlar ligasining joriy mavsumida ishtirok etayotgan jamoalar orasidagi eng yuqori ko‘rsatkichdir.