«Bavariya» hujumchisi Harri Keyn Bundesliganing 30-turida «Shtutgart» ustidan qozonilgan g‘alaba (4:2) va jamoaning muddatidan oldin chempionlikni qo‘lga kiritgani haqida o‘z fikrlarini bildirdi. Keyn tanaffusdan so‘ng zaxiradan maydonga tushib, mavsumdagi 31-golini urdi. Shu tariqa, uning «Bavariya» safida barcha musobaqalardagi gollari soni 51 taga yetdi.
«Bu biz uchun fantastik mavsum bo‘ldi va biz chempionatni mana shunday ko‘p gollar bilan yakunladik. Bularning barchasi jamoadagi muhit tufayli: futbolchilar birinchi o‘yindan to oxirgisigacha qattiq kurashishni to‘xtatmadilar. Boshqa turnirlarda hali qiladigan ishlarimiz ko‘p, ammo qilingan barcha mehnatlar va birga o‘tkazilgan kunlar yana chempion bo‘lishimiz uchun arzirli edi», — deya Keynning so‘zlarini keltiradi ESPN.
