Madridning «Real» klubi bosh murabbiyi Alvaro Arbeloa jamoaning natijalari va ikki yildan beri sovrin yuta olmayotgani borasida o‘z fikrlarini bildirib o‘tdi.

— Jamoa yana g‘alaba qozonishni boshlashi uchun nimani o‘zgartirishi kerak?

— Ikki mavsum g‘alabalarsiz... «Real» — odatda hamma narsa ko‘ngildagidek kechadigan klub. Ba’zida ishlar biz xohlagandek ketmaydigan lahzalar bo‘ladi, lekin ushbu klubning mentaliteti doimo kelajakka qaratilgan.

«Real»da mag‘lubiyatlarni qabul qilib bo‘lmaydi, chunki biz bu klubning talablari naqadar yuqori ekanligini yaxshi bilamiz. G‘alaba qozonish uchun doimo oldinga qarashimiz kerak. Biz mavsumning qolgan yettita o‘yinida g‘alaba qozonishimiz shart, — dedi Alvaro Arbeloa.