«O‘zbekneftgaz» neft-gaz kompaniyasi boshqaruv raisining birinchi o‘rinbosari Suhrob Hamroyev tashkilot 1 yanvardan boshlab futbol klublarini moliyalashtirishni to‘xtatganini ma’lum qildi.
UzDaily xabariga ko‘ra, Hamroyev ushbu qaror davlat topshirig‘iga asoslanganini va moliyalashtirishni to‘xtatish bosqichma-bosqich emas, balki birdaniga amalga oshirilganini ta’kidladi. Biroq, uning so‘zlariga ko‘ra, O‘zbekiston hukumati futbolni qo‘llab-quvvatlashning alohida davlat jamg‘armasi orqali yangi mexanizmini joriy etgan. Superliga klublarining har biri 35 milliard so‘mdan mablag‘ oladi.
«O‘zbekneftgaz» kompaniyasi shu paytgacha «Nasaf», «Buxoro» va «Bunyodkor» klublariga homiylik qilib kelayotgan edi. Yillik qo‘llab-quvvatlashning umumiy hajmi 200–300 milliard so‘m (taxminan 16,5–25 million dollar) atrofida baholangan.
