Parijning «PSJ» klubi bosh murabbiyi Luis Enrike jamoa bilan hamkorlikni davom ettiradigan bo‘ldi. Diario AS nashrining xabariga ko‘ra, ispaniyalik mutaxassis klub bilan 2030 yilning yozigacha mo‘ljallangan yangi kelishuvni kelishib olgan.
Yangi shartnoma imzolangani haqida mavsum yakunlanganidan so‘ng rasman e’lon qilinishi kutilmoqda. Hozirda murabbiy bor e’tiborini mavsumning hal qiluvchi bosqichiga qaratgan bo‘lib, Fransiya chempionati va Chempionlar ligasida g‘olib chiqishni maqsad qilgan.
Eslatib o‘tamiz, Luis Enrike 2023 yildan buyon «PSJ»ni boshqarib kelmoqda. Uning qo‘l ostida parijliklar salmoqli yutuqlarga erishishdi:
-
Yevropa Chempionlar ligasi g‘olibi (1 marta);
-
UEFA Superkubogi va Qit’alararo kubok sohibi;
-
Fransiya chempioni (2 marta) va Fransiya kubogi sohibi (2 marta);
-
Fransiya Superkubogi sohibi (3 marta).
