Madridning «Real» klubi darvoza chizig‘i borasida keskin qaror qabul qildi. «Qaymoqranglilar» ukrainalik posbon Andrey Lunin bilan xayrlashishga tayyorlanmoqda. Bu haqda OK Diario nashri xabar bermoqda.
Manbaga ko‘ra, Madrid klubi rahbariyati kelayotgan yozgi transfer oynasida Luninni sotuvga qo‘yishga qaror qilgan. Ukraina terma jamoasi a’zosining ketishiga jamoa ichidagi yangi rejalar sabab bo‘lmoqda.
«Real» ayni damda klub yoshlar jamoasining asosiy darvozaboni hisoblangan Xavyer Navarroni asosiy tarkibga o‘tkazmoqchi. Rejaga ko‘ra, aynan Navarro kelasi mavsumdan boshlab Tibo Kurtuadan keyin ikkinchi raqamli posbon sifatida ro‘yxatdan o‘tkaziladi.
