Мадриднинг «Реал» клуби дарвоза чизиғи борасида кескин қарор қабул қилди. «Қаймоқранглилар» украиналик посбон Андрей Лунин билан хайрлашишга тайёрланмоқда. Бу ҳақда OK Diario нашри хабар бермоқда.
Манбага кўра, Мадрид клуби раҳбарияти келаётган ёзги трансфер ойнасида Лунинни сотувга қўйишга қарор қилган. Украина терма жамоаси аъзосининг кетишига жамоа ичидаги янги режалар сабаб бўлмоқда.
«Реал» айни дамда клуб ёшлар жамоасининг асосий дарвозабони ҳисобланган Хавьер Наваррони асосий таркибга ўтказмоқчи. Режага кўра, айнан Наварро келаси мавсумдан бошлаб Тибо Куртуадан кейин иккинчи рақамли посбон сифатида рўйхатдан ўтказилади.
