Hujumchi Antuan Grizmann shu yozda «Atletiko»ni tark etadi, futbolchi allaqachon «Orlando Siti» bilan shartnoma imzolab bo‘lgan. Marca nashrining xabariga ko‘ra, madridliklar fransuzning o‘rnini bosuvchi nomzodni aniqlab bo‘lishgan.

«Matraschilar» Dortmundning «Borussiya» klubi a’zosi Yulian Brandt transferini amalga oshirish niyatidalar. Nemis futbolchisi shu yozda «arilar» safini erkin agent sifatida tark etadi, shu sababli uni bepul qo‘lga kiritish mumkin.

Yulian Brandt 2019 yilda «Bayer»dan «Borussiya» Dortmundga 25 million yevro evaziga o‘tgan edi. Joriy mavsumda yarim himoyachi «arilar» safida barcha turnirlarda 37 ta o‘yinda maydonga tushib, 11 ta gol urdi va 3 ta golli uzatmani amalga oshirdi.