Madridning «Atletiko» klubi hujumchisi Xulian Alvares Kataloniya poytaxtidan uy qidirish uchun aka-ukalarini Barselonaga yubordi. Bu haqda TNT Sports Mexico ma’lumotiga tayanib Sport.es xabar bermoqda.
Avvalroq matbuotda «Barselona»ning argentinalik forvardga qiziqishi haqida ma’lumotlar paydo bo‘lgan edi. Bundan tashqari, Alvaresni «ko‘k-anorranglilar» vingeri Ferran Torresga almashtirish ehtimoli haqidagi mish-mishlar ham tarqalgan.
Joriy mavsumda Alvares «matraschilar» safida barcha turnirlarda 47 ta o‘yinda maydonga tushib, 19 ta gol urdi va 9 ta golli uzatmani amalga oshirdi. Futbolchining klub bilan shartnomasi 2030 yilgacha amal qiladi, uning bozor qiymati esa Transfermarkt portaliga ko‘ra 90 million yevroni tashkil etmoqda.
