Мадриднинг «Атлетико» клуби ҳужумчиси Хулиан Альварес Каталония пойтахтидан уй қидириш учун ака-укаларини Барселонага юборди. Бу ҳақда TNT Sports Mexico маълумотига таяниб Sport.es хабар бермоқда.

Аввалроқ матбуотда «Барселона»нинг аргентиналик форвардга қизиқиши ҳақида маълумотлар пайдо бўлган эди. Бундан ташқари, Альваресни «кўк-анорранглилар» вингери Ферран Торресга алмаштириш эҳтимоли ҳақидаги миш-мишлар ҳам тарқалган.

Жорий мавсумда Альварес «матрасчилар» сафида барча турнирларда 47 та ўйинда майдонга тушиб, 19 та гол урди ва 9 та голли узатмани амалга оширди. Футболчининг клуб билан шартномаси 2030 йилгача амал қилади, унинг бозор қиймати эса Transfermarkt порталига кўра 90 миллион еврони ташкил этмоқда.