«Bavariya»ning fransiyalik vingeri Maykl Olise «Barselona» sobiq hujumchisi Lionel Messining chempionatdagi golli uzatmalar bo‘yicha rekordini yangilashi mumkin. Bugun, 25 aprel kuni Bundesliganing 31-turi doirasida myunxenliklar «Mayns» bilan kuch sinashadi.
2019/2020 yilgi mavsumda Messi «Barselona» tarkibida La Liganing 33 ta o‘yinida 21 ta golli uzatmani amalga oshirgan edi. Joriy mavsumda esa Olise hisobida «Bavariya» safida Bundesliganing 27 ta uchrashuvida 18 ta golli pas mavjud. Shunday qilib, rekordni takrorlash uchun fransiyalik futbolchiga qolgan to‘rtta turda uchta assist kerak bo‘ladi.
Mavsumning so‘nggi uchta turida «Bavariya» o‘z maydonida «Xaydenxaym»ni qabul qiladi, safarda «Volfsburg» bilan o‘ynaydi, shuningdek, o‘z uyida «Kyoln»ga qarshi bahs olib boradi.
